ᖃᓄᐃᓕᐅᖅᓯᒪᖕᒪᖔᑦᑕ

ᐊᖅᑯᑎ

ᑮᓇᖅ ᓄᑖᖑᔪᖅ ᐃᓕᓐᓂᐊᕐᓂᕐᒧᑦ

ᖃᕋᓴᐅᔭᒃᑯᑦ ᐃᓕᓐᓂᐊᕐᓂᖅ ᐃᒡᕕᑦ ᖃᕆᓴᐅᔭᖓᓂ ᐃᓕᓐᓂᐊᕐᕕᐊᕈᓯᙳᖅᑎᑦᑎᓲᖅ, ᐃᖅᑲᓇᐃᔭᕐᕕᖕᓂ ᐃᓕᓐᓂᐊᕈᓐᓇᕋᕕᑦ, ᐊᖏᕐᕋᓐᓂ, ᐃᖅᑲᓇᐃᔭᖃᑎᑎᓪᓗ − ᓄᓇᓕᓐᓂ ᐊᐅᓚᕆᐊᖃᙱᓪᓗᑎ. ᐃᓕᓐᓂᐊᕈᑎᒃᓴᑦ ᐃᑲᕐᕋᓕᒫᒨᖓᔪᓐᓇᖅᑐᑦ ᐅᕝᕙᓘᓐᓃᑦ ᑕᖅᑭᓕᒫᒧᑦ. ᐃᓕᓐᓂᐊᕈᑎᒃᓴᑦ ᐊᑐᓂ ᐊᔾᔨᒌᙱᑎᓪᓗᒋᑦ, ᐋᖅᑭᐅᒪᑎᑕᐅᔪᑦ ᑎᑭᐅᒪᓂᕐᒧᑦ ᐱᔭᐅᔭᕆᐊᓕᖕᓂ ᐊᔾᔨᒌᙱᑦᑐᓄᑦ ᐃᓕᓐᓂᐊᖅᑎᓄᑦ, ᐅᓄᖅᑐᑦ ᐊᔾᔨᒌᐸᓗᒃᑐᑦ.

ᒥᑯᔫᑎᓂ ᐱᒋᐊᕈᑎᖃᖅᑐᑎ

ᐃᓗᓕᖃᐅᖅᑐᒻᒪᕆᑦ ᓄᓇᑖᓂᕐᒧᑦ ᐊᖏᕈᑎᑦ (ᖃᐅᔨᒪᔭᐅᖕᒥᔪᑦ ᐅᓪᓗᒥᓯᐅᑏᑦ ᓄᓇᖃᖅᑳᖅᓯᒪᔪᓄᑦ ᐊᖏᕈᑎᑦ) ᓇᓗᓇᐃᖅᓯᕗᖅ ᑲᑐᔾᔨᖃᑎᒌᖑᔪᓂ ᐊᒻᒪ ᒐᕙᒪᐅᖃᑎᒌᙱᑦᑐᓂ ᐱᓕᕆᖃᑎᒌᓐᓂᐅᔪᓂ ᓄᓇᖃᖅᑳᖅᓯᒪᔪᓂ, ᑲᓇᑕᒥ ᒐᕙᒪᒃᑯᑦ, ᐃᓛᓐᓂᒃᑯᓪᓗ ᑲᓇᑕᐅᑉ ᓂᒋᐊᓂ ᐅᑭᐅᖅᑕᖅᑐᖓᓂᓪᓗ ᐊᕕᒃᑐᖅᓯᒪᓂᐅᔪᓂ. ᑐᕌᖓᔪᑦ ᐱᐅᓯᕚᓪᓕᖅᑎᑦᑎᓂᕐᒧᑦ ᐃᓅᓯᕐᒧᑦ, ᐃᓕᖅᑯᓯᕐᒧᑦ, ᒐᕙᒪᓕᕆᓂᕐᒧᑦ ᐊᒻᒪ ᑮᓇᐅᔾᔭᓂᕐᒧᑦ ᖃᓄᐃᙱᑦᑎᐊᕆᐊᕐᓂᕐᒧᑦ ᓄᓇᖃᖅᑳᖅᓯᒪᔪᓂ ᐃᓚᐅᖃᑕᐅᔪᓂ. ᐅᓪᓗᒥᓯᐅᑏᑦ ᓄᓇᖃᖅᑳᖅᓯᒪᔪᓄᑦ ᐊᖏᕈᑎᑦ ᐊᒃᑐᐃᓂᓖᑦ ᐊᕝᕙᓪᓗᐊᑲᓴᖓᓂ ᑲᓇᑕᐅᑉ ᓄᓇᖓᓂ, ᐃᒪᖏᓐᓂ ᓄᓇᒥᙶᖅᑐᓂᓪᓗ ᐃᑲᔪᕈᑎᒃᓴᐅᔪᓂᑦ.

ᑖᒃᑯᐊ ᖃᓄᐃᓕᐅᖓᕈᑕᐅᔪᑦ ᐊᓯᔾᔨᖅᑎᓪᓗᒋᑦ, ᐃᒡᕕᑦ ᐊᓯᔾᔨᖃᑕᐅᒋᐊᖃᕐᒥᔪᑎᑦᑕᐅ.

ᐊᓪᓚᐃᑦ ᑲᓇᑕᓕᒫᒥ ᐊᔾᔨᒌᙱᑦᑐᒃᑯᑦ ᐋᖅᑭᒃᓱᖅᓯᒪᐅᖅᑐᑦ. ᐃᓚᖏᑦ ᐃᓱᒪᒋᔭᐅᔪᑦ ᓱᓕ “ᐊᓪᓚᓄᑦ ᐱᖁᔭᒃᑯᑦ” ᑲᑐᔾᔨᖃᑎᒌᕋᓛᑦ; ᑲᑐᔾᔨᖃᑎᒌᖏᑦ ᐊᒻᒪ ᐋᖅᑭᒃᓱᖅᓯᒪᓂᖏᑦ ᒪᓕᒃᑐᑦ ᑎᑎᕋᖅᓯᒪᔪᓂ ᐊᓪᓚᓄᑦ ᐱᖁᔭᕐᒥ 1876-ᒥ, ᐃᓚᖃᒐᔪᓲᑦ ᓯᕗᓕᖅᑎᖃᕐᓂᕐᒥ ᐊᖓᔪᖅᑳᒥ ᐊᒻᒪ ᑲᑎᒪᔨᓂ, ᑲᑎᒪᔩᑦ ᐊᕐᕌᒍᓄᑦ ᒪᕐᕉᖕᓄᑦ ᐊᑕᖃᑦᑕᖅᑐᑦ, ᐃᓚᒌᓄᑦ ᑎᑎᕋᕐᕕᖕᒥ ᐃᓚᒌᓄᑦ ᑎᑎᕋᖅᑎᖃᖅᑐᑎ ᐅᕝᕙᓘᓐᓃᑦ ᐊᐅᓚᑦᑎᔨᒥ ᐊᒻᒪ ᐊᔾᔨᒌᙱᑐᓂ ᐱᓕᕆᕝᕕᓂ ᐋᖅᑭᒃᓯᒪᐅᖅᑐᓂ ᓄᓇᓕᐅᑉ ᐱᒋᐊᓕᖏᓐᓂ ᒪᓕᒡᓗᑎ ᐊᒻᒪ ᐊᔾᔨᒌᙱᑦᑐᓂ ᑮᓇᐅᔭᖅᑖᕐᕕᐅᕙᒃᑐᓂ.

ᓄᑦᑎᖅᓯᓂᕐᒥᑦ ᐊᑐᐊᒐᕐᓂᒃ ᑐᑭᓯᓇᖅᓯᑦᑎᐊᕐᓗᑎ

ᐱᔭᕆᐊᑭᑐᒃᑯᑦ, “ᐊᑐᐊᒐᐃᑦ” ᑐᙵᕕᐅᕙᒃᑐᑦ ᐋᖅᑭᒃᑕᐅᓯᒪᓂᖏᓄᑦ ᐱᕙᓪᓕᐊᑎᑦᑎᓂᕐᒧᑦ ᐸᕐᓇᒍᑎᓂ, ᐱᓕᕆᐊᒃᓴᓂ ᐊᒻᒪ ᐱᔨᑦᑎᕋᐅᑎᓂ. ᑖᒃᑯᐊ ᐅᑭᐅᖅᑕᖅᑐᒥ ᑕᐅᑐᒐᖓ ᐱᓕᕆᖃᑎᒌᑦ ᐱᓕᕆᐊᖃᖅᓯᒪᔪᑦ ᐊᑐᐊᒐᕐᓂᒃ ᐱᕙᓪᓕᐊᑎᑦᑎᓂᕐᒥ ᐋᖅᑭᒃᓱᒪᐅᕐᓂᖏᓐᓄᑦ ᓄᓇᓕᖕᓂ, ᐅᑭᐅᖅᑕᖅᑐᒥ ᐊᕕᒃᓯᒪᔪᓂ ᐊᒻᒪ ᒐᕙᒪᑐᖃᒃᑯᑦ ᖁᑦᑎᖕᓂᖃᕐᕕᖏᓐᓂ. ᐊᑕᐅᓯᐅᔪᖅ ᐊᒃᓱᕈᕐᓇᖅᑐᒻᒪᕆᐅᓚᐅᖅᑐᖅ ᐊᒻᒪ ᖁᕕᐊᓇᑦᑎᐊᖅᖢᓂ ᐱᓕᕆᐊᕆᔭᑦᑎᓐᓂ ᑖᓐᓇᐅᕗᖅ ᐅᖓᓯᒃᑐᒨᖓᔪᒃᑯᑦ ᐱᓕᕆᐊᖃᑎᖃᖅᑎᓪᓗᑕ ᓄᓇᕗᒻᒥ ᒥᕐᙳᐃᖅᓯᕐᕖᑦ ᐱᓐᓇᕆᔭᐅᔪᓪᓗ ᓄᓇᐃᑦ (ᓄᓇᕗᒻᒥ ᒐᕙᒪᒃᑯᓐᓂ).

ᑖᓐᓇᖅᑳ ᐃᓱᒪᒋᔭᐅᔪᖅ,ᐊᓱᐃᓛᒃ ᐸᕐᓇᐅᑎᖓ

ᖃᓄᐃᓕᐅᖅᐸᓪᓕᐊᔪᒪᓂᐊᕐᓗᓂ ᐸᕐᓇᐅᑎ ᐋᖅᑭᒃᓱᐃᓲᖅ ᐊᔪᙱᔾᔪᑕᐅᔪᓂ, ᐊᒃᓱᕈᕈᑕᐅᔪᓂ ᐊᒻᒪ ᐃᓱᒪᒋᔭᐅᔪᓂ ᓇᖕᒥᓂᖃᖅᑎᐅᔪᒧᑦ ᐋᖅᑭᒃᓱᖅᓯᒪᔪᒃᑯᑦ, ᐸᕐᓇᒍᑎᒥ ᐊᑐᖅᑕᐅᑦᑎᐊᕐᓂᐊᕐᑐᒥ ᑲᔪᓯᓂᖃᑦᑎᐊᖅᑎᑦᑎᓂᕐᒧᑦ. ᐋᖅᑭᒃᓯᓯᒪᔪᖅ ᑕᒪᐃᓐᓂ ᐊᔪᙱᔾᔪᑕᐅᔪᒥ ᓇᖕᒥᓂᕆᔭᐅᔪᒧᑦ ᐊᒻᒪ ᓴᖅᑭᔮᖅᑎᑦᑎᓪᓗᓂ ᑮᓇᐅᔭᖃᖅᑎᑦᑎᔨᐅᔪᓄᑦ ᐱᕕᖃᕐᓂᐅᔪᒥ, ᐱᒻᒪᕆᐅᒋᔭᐅᔪᑦ ᐊᐱᖅᑯᑕᐅᔪᑦ ᑭᐅᔭᐅᓪᓗᑎ.

ᓴᓇᓂᕐᒥ ᐅᐊᖕᓇᖅ-ᓂᒋᖅ ᓇᖕᒥᓂᖃᕐᓂᖅ ᐃᑳᕐᕕᒃ

ᓄᓇᕗᑦ ᑲᓇᑕᒥ ᓱᒃᑲᓂᖅᐹᖑᔪᖅ ᑮᓇᐅᔾᔭᓂᕐᒧᑦ ᐱᕈᖅᐸᓪᓕᐊᔪᖅ, ᐊᑐᐃᓐᓇᐅᑎᑦᑎᔪᖅ ᐊᒥᓱᓂ ᐱᕕᖃᕐᓂᐅᔪᓂ ᐱᕈᖅᐹᓪᓕᓂᕐᒧᑦ ᑲᓲᒪᖃᑎᖃᕐᓂᒃᑯᑦ ᓇᖕᒥᓂᕆᔭᐅᔪᓂ ᑲᓇᑕᓕᒫᒥ. ᑐᓴᖅᑕᐅᕙᓪᓕᐊᔪᑦ ᑕᐅᑐᓐᓂᖅᓴᐅᑎᓪᓗᒋ ᐅᔭᕋᖕᓂᐊᒐᒃᓴᓂ ᐊᒻᒪ ᐊᓯᖏᓐᓂ ᐱᕈᒃᑲᓐᓂᕈᓐᓇᙱᑦᑐᓂ ᐃᑲᔪᕈᑎᒃᓴᐅᔪᓂᑦ, ᐅᓄᖅᑐᑦ ᐊᓯᖏᑦ ᐊᑐᐃᓐᓇᐅᑎᑦᑎᓲᑦ ᐱᕕᖃᕐᓂᐅᔪᓂ ᑕᐃᒃᑯᓄᖓ ᐱᕙᒌᔭᖅᓯᒪᔪᓄᑦ ᐊᑑᑎᖃᑦᑎᐊᖅᑐᒥ, ᑐᓴᐅᒪᑦᑎᐊᖅᑎᑦᑎᓂᒃᑯᑦ, ᐊᒻᒪ ᑲᔪᓯᓂᖃᑦᑎᐊᖅᑐᒥ ᐊᒃᓱᕈᕐᓂᕐᒥ ᐃᓯᖅᐸᓪᓕᐊᓂᕐᒧᑦ ᖁᕕᐊᓇᖅᑐᒻᒪᕆᖕᒧᑦ ᑮᓇᐅᔭᓕᐅᕈᑎᒃᓴᒧᑦ.