ᐅᓂᒃᑳᖅᐳᑦ

ᐱᒋᐊᕐᖓᓚᐅᖅᑐᖅ ᐃᓄᑭᑦᑐᑎ ᐱᖃᓐᓇᕇᒃᑐᑎ…

ᐊᕐᕌᒍᓄᑦ 25-ᓄ, ᐅᑭᐅᖅᑕᖅᑐᒥ ᑕᐅᑐᒐᖓ ᑐᑭᓯᑦᑎᐊᕈᓐᓇᕐᓂᕐᒧᑦ ᐱᕈᖅᓯᒪᔪᖅ ᐃᓄᑭᑦᑐᑎ ᐱᖃᓐᓇᕇᒃᑐᑎ ᐱᓕᕆᐊᖃᖅᑐᑎ ᐊᑕᐅᓯᕐᒥ ᐱᓕᕆᐊᒃᓴᒥ ᐊᓱᐃᓛᒃ ᖃᐅᔨᒪᔭᐅᓕᖅᖢᓂ ᑲᓇᑕᐅᑉ ᓯᕗᓕᖅᑎᒋᓪᓗᓂᒋᑦ ᓄᓇᑐᖃᖃᖅᑐᓄᑦ ᐅᖃᐅᔾᔪᐃᔨᐅᓕᖅᖢᑎᒃ ᐱᓕᕆᕝᕕᐅᓪᓗᓂ, 100 ᐅᖓᑖᓂ ᐃᖅᑲᓇᐃᔭᖅᑎᖃᖅᖢᑎ ᐊᒻᒪ ᐱᓕᕆᔨᓂ ᑲᓇᑕᓕᒫᒥ, ᐊᓪᓚᕝᕕᖃᖅᖢᑎ ᐋᑐᐋᒥ ᐊᒻᒪ ᐃᖃᓗᓐᓂ.

ᑕᒡᕙ ᐅᓂᒃᑳᖅᐳᑦ.

ᐊᑕᐅᓯᐅᓚᐅᖅᑐᖅ ᓯᕗᓪᓕᖅᐹᖑᓪᓗᓂ ᐊᑐᓕᖅᑎᑕᐅᑎᓪᓗᒍ ᓄᓇᕗᒻᒥ ᓄᓇᑖᕐᓂᒃᑯᑦ ᐊᖏᕈᑎᐅᔪᖅ ᑖᓐᓇᐅᓚᐅᖅᑐᖅ ᐱᕙᓪᓕᐊᑎᑦᑎᓂᕐᒥ ᐃᓕᓐᓂᐊᕐᓂᕐᒧᑦ ᐅᐸᓗᖓᐃᔭᐅᑎᒥ ᐱᕙᒌᔭᐃᓂᕐᒧᑦ ᐃᓄᖕᓂ ᐃᖅᑲᓇᐃᔭᕐᓂᕐᒧᑦ ᐱᕕᖃᕐᓂᐅᔪᓂ ᒐᕙᒪᓕᕆᓂᕐᒥ ᐊᒻᒪ ᐊᑐᓕᖅᑎᑦᑎᓂᕐᒥᑦ. 1993-ᒥ ᐱᒋᐊᕐᖓᐅᑎᖃᖃᑕᐅᔪᒥᓃᑦ ᐃᓚᒋᔭᐅᔪᑦ, ᑕᒪᐃᓐᓂ ᐅᑭᐅᖅᑕᖅᑐᕐᒥᐅᑕᐅᓂᑰᔪᑦ ᐊᒻᒪ ᐃᖅᑲᓇᐃᔭᕐᓂᑰᓪᓗᑎ ᐅᑭᐅᖅᑕᖅᑐᒥ, ᓴᖅᑮᓚᐅᖅᑐᑦ ᑲᑐᔾᔨᖃᑎᒌᖑᔪᓂ ᐱᕙᓪᓕᐊᑎᑦᑎᓂᕐᒧᑦ ᐅᖃᐅᔾᔪᐅᔨᒃᑯᑦ ᐱᓕᕆᖃᑎᒌᓂ ᐊᑭᑦᑐᕋᐅᑎᓂᕐᒧᑦ ᐱᓕᕆᐊᒃᓴᒧᑦ. ᐊᑭᑦᑐᕋᐅᑎᓂᖏᑦ ᑲᔪᓯᓂᖃᑦᑎᐊᓚᐅᖅᑐᖅ, ᐊᒻᒪ 7-ᓂᒃ ᑎᑎᕋᖅᑕᐅᓯᒪᔪᓂᑦ ᐅᓂᒃᑳᓕᐊᖓᑦ ᐋᖅᑭᒃᓱᐃᓚᐅᖅᑐᖅ ᐊᕐᕌᒍᓄᑦ ᐊᕙᑎᓄᑦ ᓄᓇᕗᒻᒥ ᐃᓕᓐᓂᐊᖅᑎᑦᑎᓂᕐᒥ.

ᐱᓕᕆᖃᑎᒌᕐᖓᐅᑕᐅᓚᐅᖅᑐᑦ ᕌᓐ ᕋᐃᔭᓐ, ᕗᕋᑦ ᐅᐊᐃᔅ, ᒍᕆᒡ ᓯᒥᑦ ᐊᒻᒪ ᑎᐊᕆ ᕋᑎᓐ ᖃᐅᔨᓚᐅᖅᑐᑦ ᓴᖅᑮᓂᖏᓐᓂ ᐱᓕᕆᖃᑎᒌᑦᑎᐊᕈᓐᓇᖅᑐᓂ ᐊᒻᒪ ᐊᑑᑎᖃᑦᑎᐊᖅᑐᓂ ᑲᑐᔾᔨᖃᑎᒌᓂ. ᑎᒥᙳᓚᐅᖅᑐᑦ ᑲᓐᓯᓕᐊᒻ−ᖑᓪᓗᑎ 1994-ᒥ, ᐊᓪᓚᕝᕕᓂ ᐊᑐᖅᑐᐊᓚᐅᖅᑐᑦ, ᐃᖅᑲᓇᐃᔭᖅᑎᑖᒃᑲᓐᓂᖅᖢᑎ, ᐊᒻᒪ ᑳᓐᑐᓛᒃᓕᕆᓯᒋᐊᓚᐅᖅᑐᑦ ᑲᓇᑕᓕᒫᒥ.  ᐊᕐᕌᒍᐃᑦ ᐊᓯᖏᓐᓂ ᑲᓐᓯᓕᐊᒻ ᑲᑐᔨᖃᑎᒌᖑᔪᑦ ᐱᓕᕆᖃᑎᒌᖑᔪᓂ ᐃᓚᑖᒃᑲᓐᓂᓚᐅᖅᑐᑦ ᑖᒃᑯᓂᖓ ᑕᐃᕕᑦ ᕙᐅᓪᑦ, ᐹᑎ ᕙᓛᒃ, ᑯᕆᔅ ᒍᕌᓯᑦ, ᓚᔅᓕ ᓴᑐᓚᓐ, ᓴᒃ ᒋᓪᕼᐊᓕ ᐊᒻᒪ ᐋᓕᒃᔅ ᑰᕐ.

ᐱᒻᒪᕆᐅᓚᐅᖅᑐᖅ ᑎᑭᑕᐅᔪᒪᔪᖅ ᑲᓐᓯᓕᐊᒻᑯᓐᓂ ᑖᓐᓇᐅᖏᓐᓇᐅᔭᓚᐅᖅᑐᖅ ᐱᕙᓪᓕᐊᑎᑦᑎᓂᕐᒥ ᐊᖏᕐᕋᒥ ᐱᕈᐃᔭᐅᓂᑯᓂ ᓄᓇᕗᒻᒥ ᐊᔪᙱᑦᑎᐊᖅᑐᓂ ᐊᒻᒪ ᐃᓐᓄᒃᓯᓂᕐᒥ. 2000-ᒥ, ᑲᓐᓯᓕᐊᒻ ᐃᓚᓕᐅᑎᓚᐅᖅᑐᑦ ᒪᕐᕉᖕᓂᒃ ᓄᓇᕗᒻᒦᑦᑐᓂ ᐅᖃᐅᔾᔪᐃᔨᓂ, ᕼᐊᓚᓐ ᑭᓚᓐᑭᓐᐴᒡ ᐊᒻᒪ ᑎᐊᕆ ᕗᐊᔅ, ᐋᖅᑭᒃᓯᓪᓗᑎ ᑲᓐᓯᓕᐊᒻ ᓄᓇᕗᑦ ᑎᒥᖁᑖᓂ (CNI), ᐃᖅᑲᓇᐃᔭᖅᑎᖃᖅᖢᑎ ᐊᒻᒪ ᐊᓪᓚᕝᕕᓂ ᐃᖃᓗᓐᓂ. ᑲᓐᓯᓕᐊᒻ ᓄᓇᕗᑦ ᑎᒥᖁᑖ ᓱᒃᑲᓕᔪᒥ ᐋᖅᑭᒃᓱᐃᓚᐅᖅᑐᖅ ᓴᙱᔪᒥ ᑕᑎᒋᔭᐅᓪᓗᑎ ᓄᓇᕗᒻᒥ ᐊᒻᒪ 2001-ᒥ ᓴᖅᑭᑕᐅᒃᑲᓐᓂᓚᐅᖅᑐᖅ ᑖᒃᑯᐊᖑᖔᓕᖅᖢᑎ ᐋᕐᓗᒃ ᐅᖃᐅᔾᔪᐃᔨᒃᑯᑦ ᑎᒥᖁᑖ ᐊᕐᕌᒍᓂ ᐊᒡᒋᖅᑐᓂ ᕕᒃᑐ ᑐᑐ ᐊᒻᒪ ᓘᕆ ᐃᓪᓚᐅᑦ ᐃᓚᑖᕆᔭᐅᓚᐅᖅᑑᒃ ᐋᕐᓗᖕᒥ.

ᑐᙵᕕᖓᓂ ᐊᖏᒡᓕᒋᐊᖅᑎᕆᓂᕐᒧᑦ ᐊᒻᒪ ᐱᔨᑦᑎᕋᕈᒪᒧᑦ ᓄᓇᕗᑦ ᓯᓚᑖᓃᑦᑐᓂ (ᐱᓗᐊᖅᑐᒥ ᐊᓪᓚᓂ ᐊᒻᒪ ᓄᓇᖃᖅᑳᖅᓯᒪᔪᓂ ᐊᓐᑎᐅᕆᔫᒥ ᐊᒻᒪ ᑯᐊᐸᒃᒥ), ᑲᓐᓯᓕᐊᒻ ᑎᒥᙳᖅᑎᑦᑎᓚᐅᖅᑐᖅ ᓄᑖᒥ, ᓄᓇᖃᖅᑳᖅᓯᒪᔪᓄᑦ ᓇᖕᒥᓂᕆᔭᐅᔪᒥ ᑎᒥᒥ, ᐃᓚᑖᖅᖢᑎᒃ ᔭᓂᕗ ᑕᐃᕕᑦ (ᑯᕇ, ᓵᑉᓘ ᐊᓪᓚ), ᓘᒃᑖᖅ ᕚᓗᕆ ᐊᓯᓂᐅᐃ (ᓴᒐᒧᒃ ᐊᓂᔅᓇᕕᒃ) ᐊᒻᒪ ᖃᐅᔨᓵᖅ ᐊᐅᐸᓗᒃ (ᓄᓇᕗᑦ). ᑲᒻᐸᓂᐅᔫᑉ ᑕᐃᒎᓯᐊ ᐊᓯᔾᔨᖅᑕᐅᓪᓗᓂ ᑖᔅᓱᒧᖓ ᓯᑑᓐᓲᑯᓪ ᐅᖃᐅᔾᔪᐃᔨᒃᑯᑦ ᑎᒥᖁᑖᓄᑦ 2004-ᒥ.

ᐊᕐᕌᒍᓄᑦ ᐊᕙᑎᓄᑦ ᐱᕈᖅᐸᓪᓕᖅᑎᓪᓗᒋᑦ ᐊᒻᒪ ᑲᔪᓯᓂᖃᑦᑎᐊᓚᐅᖅᑐᑎ, ᐋᒍᔅᑎ 31, 2014-ᒥ ᐱᖓᓱᑦ ᑲᒻᐸᓂᐅᔪᑦ ᑲᑎᖃᑎᒌᓚᐅᖅᑐᑦ, ᓴᖅᑮᓪᓗᑎ ᑖᔅᓱᒥᖓ ᐅᑭᐅᖅᑕᖅᑐᒥ ᑕᐅᑐᒐᖓ ᑐᑭᓯᑦᑎᐊᕈᓐᓇᕐᓂᕐᒧᑦ ᐱᓕᕆᖃᑎᒋᑦ ᓄᑖᒥ ᐊᑎᖓᓂ ᐊᒻᒪ ᑎᒥᐅᓂᖓᓄᑦ ᑭᒃᑰᒋᐊᒃᓴᖏᓐᓂ ᓯᑎᐱᕆ 2016-ᒥ.

ᓄᑖᒥ ᐊᑐᖃᓕᖅᑐᒍ, ᑭᓯᐊᓂ ᑖᒃᑯᐊᓴᐃᓐᓇᐅᔪᒍᑦ ᐱᓕᕆᖃᑎᒌᖑᓪᓗᑕ, ᑖᔅᓱᒥᖓᔅᓴᐃᓐᓇᖅ ᑎᑭᐅᒪᔪᒪᓪᓗᑕ ᐊᑑᑎᖃᖅᑐᒥ, ᐱᔨᑦᑎᕋᖅᐸᒃᑕᑦᑎᓐᓄ ᐃᑉᐱᒍᓱᒃᑐᓄᑦ, ᐱᓕᕆᖃᑎᖃᖅᖢᑕ ᐃᑉᐱᒋᑦᑎᐊᖅᑕᑦᑎᓐᓂ ᐊᒻᒪ ᖁᕕᐊᒋᔭᑦᑎᓐᓂ.