ᑖᓐᓇᖅᑳ ᐃᓱᒪᒋᔭᐅᔪᖅ,ᐊᓱᐃᓛᒃ ᐸᕐᓇᐅᑎᖓ

ᐊᔾᔨᓕᐅᕈᑎᒥ ᓴᖑᖔᑎᑦᑎᓂᕐᒥ

ᐃᓄᐃᑦ ᕿᒥᕐᕈᐊᖅᑎᓪᓗᒍ ᖃᕋᓴᐅᔭᒃᑰᕈᓐᓇᐅᑎᒥ ᐅᕝᕙᓘᓐᓃᑦ ᑕᕐᕆᔭᖅᑎᓪᓗᒋ ᑕᓚᕖᓴᒥ, ᐃᖕᒥᓂ ᑐᑯᓗᐊᖃᑦᑕᖏᒻᒪᑕ. ᖃᓄᐃᑦᑑᒐᓗᐊᕈᓂ ᑕᐅᑐᒃᑕᐅᔪᖅ, ᐊᓯᖔᖓᓂ ᐃᓕᖅᑯᓯᐅᔪᒥ ᑕᑯᖃᑦᑕᖅᑐᑦ ᓴᖅᑭᔮᕈᑕᐅᔪᒥ. ᑕᐃᒫᒃ ᑖᓐᓇ ᖃᓄᕐᓕ? ᐱᒻᒪᕆᐅᕗᖅ; ᑎᔅᓯᓈᕿᓂᐅᕗᖅ ᑕᐅᑐᒃᑕᐅᓲᖅ ᐋᖅᑭᒃᑕᐅᓯᒪᔪᖅ ᐃᓄᖕᓄᑦ, ᐃᓄᖕᓂ ᑕᐅᑐᓐᓇᖅᑐᓂ, ᐊᒻᒪ ᐃᓄᐃᑦ ᐅᓂᒃᑳᖏᓐᓂ ᐊᑐᖅᑐᑎ. ᖃᓄᕐᓕ? ᐊᔾᔨᓕᐅᕈᑎᒥ ᐊᑐᖅᑐᖅ, ᓴᖑᑎᑕᐅᖔᖅᑐᓂ ᐊᒻᒪ ᑕᑯᒃᓴᐅᑎᑦᑎᓪᓗᓂ ᐃᓄᐃᑦ ᐃᓕᖅᑯᓯᖓᓂ ᓯᓚᕐᔪᐊᕐᒧ, ᐊᓕᐊᓇᐃᒋᔭᐅᓪᓗᓂ ᖁᙱᐊᖅᑎᐅᔪᓄᑦ.

ᐅᓂᒃᑳᖑᔪᖅ ᐃᒪᐃᓕᖓᔪᖅ: ᐃᓄᒃ, ᓂᐸᖏ, ᐊᒻᒪ ᐊᖑᑎ ᕼᐃᑲᖃᑦᑕᖅᑐᖅ ᑐᐱᕐᒥᐅᑕᐅᔪᑦ ᐃᖃᓗᐃᑦ, ᓄᓇᕗᑦ ᖃᓂᒋᔭᖓᓂ, ᑕᐃᑲᓂ, ᐊᔪᙱᓐᓂᓕᒫᖏᓐᓂ, ᓂᐱᓕᐅᕆᓲᑦ ᓇᖕᒥᓂ ᐃᓄᒃᑎᑐᑦ ᐅᖃᐅᓯᒃᑯᑦ ᑕᕐᕆᔮᒃᓴᒥ (ᖃᓪᓗᓈᑎᑐᑦ ᑎᑎᕋᖅᓯᒪᔪᓂ ᓴᖅᑭᔮᖅᑐᖃᖅᑐᓂ). ᑮᓇᐅᔭᑭᓗᐊᕐᒪᑕ ᐃᓱᒪᒃᓴᖅᓯᐅᑦᑎᐊᕆᐊᓖᑦ, ᐊᑐᕈᒪᔭᖏᓪᓗ ᑕᐃᒪᐃᓪᓚᕆᖃᑦᑕᖏᑦᑐᑦ ᐸᕐᓇᓯᒪᔭᒥᒍᑦ. ᓴᖅᑭᔮᕐᓂᖓ? ᑎᔅᓯᓇᖅᑐᒻᒪᕆᖕᒥ ᐃᓅᕐᓯᒥ ᓴᖅᑭᔮᖅᑎᑦᑎᓂᕐᒥ ᐅᑭᐅᖅᑕᖅᑐᒥ.

ᐃᓱᒪᒃᓴᖅᓯᐅᕈᑎᑦ ᐱᕈᖅᐹᓪᓕᓂᕐᒧᑦ

ᖃᓄᑭᐊᖅ ᓂᐱᓕᐅᕆᕖᑦ ᓴᖅᑭᔮᖅᑎᑦᑎᓲᖅ ᑕᕐᕆᔮᒃᓴᒥ, ᐱᒋᐊᕈᑎᖃᓚᐅᖅᑐᖅ ᐃᓄᐃᑦ ᑕᑯᓐᓇᕋᑦᓴᓕᕆᔨᒃᑯᑦ ᑯᐊᐳᕇᓴᖓ ᒫᓐᓇᐅᔪᕐᓗ ᓴᖅᑭᔮᖃᑦᑕᖅᑐᑦ ᓄᓇᖃᖅᑳᖅᓯᒪᔪᑦ ᐃᓄᖏᑕ ᑕᓚᕖᓴᒃᑯᑦ ᓴᖅᑭᔮᖅᐸᒃᑐᒃᑯᑦ (APTN). ᓇᖕᒥᓂᖃᖅᑎᐅᔪᑦ ᐊᖑᑎ ᔮᓐᓯᑕᓐ, ᕕᓂ ᖃᕆᑕᖅ, ᓯᑕᐃᓯ ᐊᒡᓗᒃ ᒪᒃᑖᓄᓪ ᐊᒻᒪ ᔮᔅ ᖃᐅᒻᒪᕆᐊᖅ ᐊᖏᔫᑎᓂ ᐸᕐᓇᐅᑎᓖᑦ ᓄᑖᓄᑦ ᑕᕐᕆᔮᒃᓴᓄᑦ ᐊᒻᒪ ᑲᑐᔾᔨᖃᑎᖃᖅᑐᑦ ᐊᓯᖏᓐᓂ ᓄᓇᕗᒻᒥ ᓴᖅᑭᔮᖅᑎᑦᑎᔨᒃᑯᑦ ᑲᒻᐸᓂᖏᓐᓂ. 

ᓵᓚᖃᖅᓯᒪᔪᖅ ᐸᕐᓇᐅᑎ

ᑕᒡᕘᓇ ᐃᑲᔪᓲᖑᔪᒍᑦ. ᐅᖃᐅᔾᔪᐃᔨᒻᒪᕆᒃ ᓴᒃ ᒋᓪᕼᐊᓕ ᐊᒻᒪ ᖃᐅᔨᓴᖅᑎ ᔨᐊᕝ ᕆᒡᕕ ᐃᖅᑲᓇᐃᔮᒃᓴᖅᑖᖅᑎᑕᐅᓚᐅᖅᑑᒃ ᖃᓄᑭᐊᒃᑯᓐᓂ ᑎᑎᕋᖁᔭᐅᓪᓗᑎ ᖃᓄᐃᓕᐅᖅᐸᓪᓕᐊᔪᒪᓂᐊᕐᓗᓂ ᐸᕐᓇᐅᑎᒥ ᑐᕌᖓᓪᓗᓂ ᑮᓇᐅᔭᖅᑖᕋᓱᐊᕐᓂᕐᒧᑦ ᓴᖅᑮᒐᔭᖅᑐᒥ ᑐᑯᓐᓇᒐᒃᓴᖅ 6-ᒥ, ᓂᐅᕕᕐᓂᕐᒧᑦ ᓄᑖᓂ ᐊᔾᔨᓕᐅᕈᑎᒧᑦ ᓱᓇᒃᑯᑖᓂ, ᓄᓇᓕᖕᒥ ᑮᓇᐅᔭᓕᕆᔨᑖᓂᕐᒧᑦ ᐃᑲᔪᖅᓱᖅᑕᐅᓂᕐᒧᑦ ᐊᒻᒪ ᐃᓕᓐᓂᐊᖅᑎᑦᑎᓂᕐᒧᑦ ᓄᑖᓂ ᐃᓄᖕᓂ ᐃᖅᑲᓇᐃᔭᖅᑎᓂ.

ᐸᕐᓇᐅᑎ ᑐᓂᔭᐅᓚᐅᖅᑐᖅ ᑲᑭᕙᒃᑯᑦ ᑲᑐᔾᔨᖃᑎᒌᒃᑯᖏᓐᓄ, ᐊᖏᖅᑎᑐᐊᖑᓚᐅᙱᑦᑐᑦ ᑮᓇᐅᔭᕐᒧᑦ ᑭᓯᐊᓂ ᐃᑲᔪᓚᐅᕐᒥᔪᑦ ᖃᓄᑭᐊᒃᑯᓐᓂ ᐃᑲᔪᖅᑕᐅᒃᑲᓐᓂᖁᓪᓗᒍ ᑲᓇᑕᐅᒥ ᐅᑭᐅᖅᑕᖅᑐᒥ ᐱᕙᓪᓕᐊᑎᑦᑎᓂᕐᒧᑦ ᑭᒡᒐᖅᑐᐃᔨᐅᔪᑦ ᓇᖕᒥᓂᖃᖅᑎᐅᔪᑦ ᐊᒻᒪ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᖑᔪᖅ (EBD).

“ᐱᔨᑦᑎᕋᕐᕕᒋᕙᒃᑕᕗᑦ ᐊᓕᐊᓇᐃᒋᔭᓕᒫᒃᑲ, ᑭᓯᐊᓂ ᑖᓐᓇ ᐊᓕᐊᓇᐃᑦᑐᒻᒪᕆᐅᓚᐅᖅᑐᖅ”, ᐅᖃᖅᑐᖅ ᓴᒃ ᒋᓪᕼᐊᓕ. “ᐊᓪᐊᓇᐃᑦᑐᒻᒪᕆᐅᓚᐅᖅᑐᖅ ᐱᓕᕆᐊᒃᓴᖅ, ᐊᔪᙱᑦᑐᒪᕆᐊᓗᐃᑦ ᐱᓕᕆᖃᑎᒌᒃᑐᑦ ᐊᔪᙱᑦᑎᐊᖅᑐᓂ, ᑎᔅᓯᓇᖅᑐᓂ ᐃᓄᖕᓂ, ᐊᒻᒪ ᑐᙵᓪᓚᕆᒃᑐᒥ ᐸᕐᓇᐅᑎᖃᖅᑐᑎ ᓯᕗᒧᐊᖅᐸᓪᓕᐊᓂᕐᒧᑦ ᓄᑖᒥ ᖁᑦᑎᖕᓂᒨᓂᕐᒧᑦ ᐃᓱᒪᓕᐅᖅᑕᖏᓐᓂ ᐊᒻᒪ ᐱᓕᕆᔨᒻᒪᕆᓄᑦ ᐱᕙᓪᓕᐅᑕᐅᒃᑲᓐᓂᕋᔭᖅᑐᓂᑦ.”

face2 flipped (1)

“ᑕᓚᕖᓴᒃᑯᑦ ᓴᖅᑭᑎᑦᑎᕙᓪᓕᐊᓂᕐᒧᑦ ᓇᖕᒥᓂᖃᕐᓂᕐᒧᑦ ᖃᖓᒃᑰᕆᐊᖃᕐᓂᐅᔪᑦ ᐊᒃᓱᕈᕐᓇᖅᑐᒻᒪᕆᐊᓗᑦ, ᐊᒻᒪ ᐊᓕᐊᓇᐃᒋᑦᑎᐊᖅᑕᕗᑦ ᐊᒃᓱᕈᕐᓂᕆᓚᐅᖅᑕᖓ ᓴᒃᒧᑦ ᐱᓕᕆᑦᑎᐊᕈᓐᓇᓚᐅᕐᒪ ᐱᔭᒃᓴᖃᖅᑐᒻᒪᕆᐅᑎᓪᓗᑕ ᓴᖅᑭᑎᑦᑎᕙᓪᓕᐊᓂᕐᒥᑦ ᐊᑐᖅᑕᐅᔪᒃᓴᓂ”, ᐅᖃᖅᑐᖅ ᕕᓂ ᖃᕆᑕᖅ, ᓇᖕᒥᓂᖃᖅᑐᖅ ᐊᒻᒪ ᑕᐅᑐᒃᑕᐅᓲᖅ. “ᐱᔭᕆᐊᑭᑦᑑᙱᓚᖅ ᐱᒋᐊᖅᑎᑦᑎᓇᓱᓪᓗᓂ ᓇᖕᒥᓂᕆᔭᐅᔪᒥ ᐅᕝᕙᓘᓐᓃᑦ ᐊᖏᓪᓕᒋᐊᖅᑎᑦᑎᓂᕐᒥ, ᑭᓯᐊᓂ ᐅᑭᐅᖅᑕᖅᑐᒥ ᑕᐅᑐᒐᖓᒃᑯᑦ ᐃᑲᔪᓚᐅᖅᑐᑦ ᑕᐃᒪᐃᑎᑕᐅᔪᓐᓇᖅᑐᑕ ᐅᕙᑦᑎᓐᓄ ᑕᐅᑐᒃᑕᑐᐊᖃᑲᐃᓐᓇᕐᓂᕐᒥ ᑭᓱᓂᑦ ᐊᔪᙱᑦᑕᑦᑎᓐᓂ.” 

ᐅᖃᐅᓯᒃᓴᑦ