ᒥᑯᔫᑎᓂ ᐱᒋᐊᕈᑎᖃᖅᑐᑎ

ᐃᓗᓕᖃᐅᖅᑐᒻᒪᕆᑦ ᓄᓇᑖᓂᕐᒧᑦ ᐊᖏᕈᑎᑦ (ᖃᐅᔨᒪᔭᐅᖕᒥᔪᑦ ᐅᓪᓗᒥᓯᐅᑏᑦ ᓄᓇᖃᖅᑳᖅᓯᒪᔪᓄᑦ ᐊᖏᕈᑎᑦ) ᓇᓗᓇᐃᖅᓯᕗᖅ ᑲᑐᔾᔨᖃᑎᒌᖑᔪᓂ ᐊᒻᒪ ᒐᕙᒪᐅᖃᑎᒌᙱᑦᑐᓂ ᐱᓕᕆᖃᑎᒌᓐᓂᐅᔪᓂ ᓄᓇᖃᖅᑳᖅᓯᒪᔪᓂ, ᑲᓇᑕᒥ ᒐᕙᒪᒃᑯᑦ, ᐃᓛᓐᓂᒃᑯᓪᓗ ᑲᓇᑕᐅᑉ ᓂᒋᐊᓂ ᐅᑭᐅᖅᑕᖅᑐᖓᓂᓪᓗ ᐊᕕᒃᑐᖅᓯᒪᓂᐅᔪᓂ. ᑐᕌᖓᔪᑦ ᐱᐅᓯᕚᓪᓕᖅᑎᑦᑎᓂᕐᒧᑦ ᐃᓅᓯᕐᒧᑦ, ᐃᓕᖅᑯᓯᕐᒧᑦ, ᒐᕙᒪᓕᕆᓂᕐᒧᑦ ᐊᒻᒪ ᑮᓇᐅᔾᔭᓂᕐᒧᑦ ᖃᓄᐃᙱᑦᑎᐊᕆᐊᕐᓂᕐᒧᑦ ᓄᓇᖃᖅᑲᖅᓯᒪᔪᓂ ᐃᓚᐅᖃᑕᐅᔪᓂ. ᐅᓪᓗᒥᓯᐅᑏᑦ ᓄᓇᖃᖅᑳᖅᓯᒪᔪᓄᑦ ᐊᖏᕈᑎᑦ ᐊᒃᑐᐃᓂᓖᑦ ᐊᕝᕙᓪᓗᐊᑲᓴᖓᓂ ᑲᓇᑕᐅᑉ ᓄᓇᖓᓂ, ᐃᒪᖏᓐᓂ ᓄᓇᒥᙶᖅᑐᓂᓪᓗ ᐃᑲᔪᕈᑎᒃᓴᐅᔪᓂᑦ.

ᐅᓄᖅᑐᑦ ᐊᓪᓚᐃᑦ, ᐃᓄᐃᑦ ᐊᒻᒪ ᐊᓪᓚᖓᔪᑦ ᐊᔪᕐᓇᖅᑐᒃᑯᑦ ᐃᓕᓐᓂᐊᕐᓂᑰᔪᑦ ᐋᔩᖃᑎᖃᕐᓂᖅ ᐅᓪᓗᒥᓯᐅᑎᒥ ᓄᓇᖃᖅᑳᖅᓯᒪᔪᓄᑦ ᐊᖏᕈᑎᒥ ᐱᒋᐊᕐᖓᕈᑕᐅᑐᐃᓐᓇᕐᓂᖓᓄᑦ; ᐊᒃᓱᕈᖅᑎᑦᑏᓐᓇᕆᐊᓖᑦ ᑖᒃᑯᐊ ᐊᖏᕈᑎᑦ ᐃᑉᐱᒋᔭᐅᑦᑎᐊᕐᓗᑎ, ᒪᓕᑦᑕᐅᑦᑎᐊᕐᓗᑎ, ᐊᒻᒪ ᐃᓗᐃᑦᑑᖓᔪᒥ ᐊᑐᓕᖅᑎᑕᐅᓗᓂ. ᐅᓪᓗᒥᓯᐅᑏᑦ ᓄᓇᖃᖅᑳᖅᓯᒪᔪᓄᑦ ᐊᖏᕈᑎᑦ ᐊᑑᑎᖃᖅᑐᑦ ᑲᓇᑕᒥᐅᑕᓕᒫᓄᑦ.

ᐅᑭᐅᖅᑕᖅᑐᒥ ᑕᐅᑐᒐᖓ ᐊᑐᐃᓐᓇᐅᑎᑦᑎᓯᒪᔪᑦ ᐸᕐᓇᐃᓂᕐᒥᑦ, ᑐᓴᐅᒪᑎᑦᑎᓂᕐᒥᑦ ᐊᒻᒪ ᐊᐅᓚᑦᑎᓂᕐᒥᑦ ᐊᑐᓕᖅᑎᑦᑎᓂᕐᒧᑦ ᑕᐃᒪᙵᓂ ᑲᒻᐸᓂᐅᔪᖅ ᐱᒋᐊᔪᒻᒪ; ᑭᓯᐊᓂ ᐃᓚᖏᑦ ᐱᒻᒪᕆᐅᔪᖅ ᐱᓕᕆᐊᕆᓚᐅᖅᑕᕗ ᐱᒋᐊᕐᖓᓚᐅᖅᑐᖅ ᑲᑎᒪᑎᑦᑎᓂᒃᑯᑦ.

2003-ᒥ, ᐋᖅᑭᒃᓱᐃᖁᔭᐅᓚᐅᖅᑐᒍᑦ ᑲᑎᒪᓂᐅᔪᒥᑦ ᐱᕐᔪᐊᓕᒫᓂᑦ ᓄᓇᑖᕋᓱᐊᕐᓂᕐᒧᑦ ᐊᖏᕈᑎᓄᑦ ᑎᒍᒥᐊᖅᑎᐅᔪᓂᑦ ᑲᓇᑕᒥ. ᑖᓐᓇ “ᑐᑭᑖᖅᑎᑦᓯᒃᑲᓐᓂᓂᕐᒥᑦ ᐱᓕᕆᖃᑎᒌᓂᕐᒧᑦ” ᑲᑎᒪᓂᖅ ᐱᐅᔪᒻᒪᕆᐅᓚᐅᖅᑐᖅ; ᓄᓇᖃᖅᑳᖅᓯᒪᔪᑦ ᓯᕗᓕᖅᑎᐅᓂᖏᑦ ᑲᑎᖃᑎᒌᓚᐅᖅᑐᑦ, ᒪᓕᒐᕐᒧᑦ ᐊᒻᒪ ᐊᑐᐊᒐᕐᓄᑦ ᐃᑲᔪᕈᑎᒃᓴᐅᔪᓂᑦ, ᖁᑦᑎᓂᖅᓴᒥ ᒐᕙᒪᓕᕆᔨᐅᔪᓂ, ᐊᒻᒪ ᓴᖅᑮᓚᐅᖅᑐᖅ ᓯᕗᓪᓕᖅᐹᑦᑎᐊᒥ ᑲᑎᒪᓂᐅᔪᒥ ᑐᕌᒐᖃᖅᑐᓂ ᐅᖃᖃᑎᒌᓂᕐᒥ ᐊᑐᓕᖅᑎᑦᑎᓂᕐᒧᑦ ᐊᑲᐅᙱᓕᐅᕈᑕᐅᔪᓂ. ᑲᑎᓐᓂᐅᔪᖅ ᑲᔪᓯᓂᖃᑦᑎᐊᖅᑐᒻᒪᕆᐅᓚᐅᕐᓂᖓᓄᑦ, ᑲᑎᒪᖃᑕᐅᔪᑦ ᐊᖏᖃᑎᒌᓚᐅᖅᑐᑦ ᓴᖅᑮᔪᒪᓪᓗᑎ ᓄᓇᑖᕋᓱᐊᕐᓂᕐᒧᑦ ᐊᖏᕈᑎᓄᑦ ᑲᑐᔾᔨᖃᑎᒌᓂ, ᐱᓇᓱᐊᒐᖃᕐᓗᑎ ᑲᔪᓯᑎᑦᑎᓂᕐᒧᑦ ᐱᒻᒪᕆᐅᔪᒥ ᓂᐱᖁᑎᒋᔭᐅᓂᕐᒥ ᐊᒻᒪ ᑐᓴᐅᒪᖃᑎᒌᓂᕐᒥ ᐱᓕᕆᐊᕆᔭᐅᕙᓪᓕᐊᓚᐅᖅᑐᓂ ᑲᑎᒪᓂᐅᔪᒥ.

ᐊᕐᕌᒍᑦ ᖁᓖᑦ ᐅᖓᑖᓄᑦ ᑲᔪᓯᓂᖃᑦᑎᐊᕐᓂᖅ

ᑕᐃᒪᙵᓂ ᑲᑎᒪᕐᖓᐅᑎᓚᐅᕐᒪᑕ, ᑖᒃᑯᐊ ᓄᓇᑖᕋᓱᐊᕐᓂᕐᒧᑦ ᐊᖏᕈᑎᓄᑦ ᑲᑐᔾᔨᖃᑎᒌᖏᑦ ᐊᖏᒡᓕᒋᐊᖅᓯᒪᔪᑦ ᐃᓚᐅᑎᑦᑎᓂᕐᒥ ᑕᒪᐃᓐᓂ ᐊᑎᓕᐅᖅᓯᒪᔪᓕᒫᓂ ᖃᐅᔨᒪᔭᐅᖕᒥᔪᑦ ᐅᓪᓗᒥᓯᐅᑏᑦ ᓄᓇᖃᖅᑳᖅᓯᒪᔪᓄᑦ ᐊᖏᕈᑎᓄᑦ ᑲᑐᔾᔨᖃᑎᒌᓂ ᐊᒻᒪ ᒐᕙᒪᒃᑯᓐᓂ ᑲᓇᑕᒥ, ᓂᐱᖁᑎᒋᔭᐅᓕᖅᓯᒪᔪᑦ ᐊᑑᑎᖃᑦᑎᐊᖅᑐᒧᑦ ᐊᑐᓕᖅᑎᑦᑎᓂᕐᒧᑦ, ᐊᒻᒪ ᑲᑎᒪᓂᕐᒧᑦ ᐱᕕᖃᖅᑎᑦᑎᓪᓗᑎ ᐅᖃᖃᑎᒌᑎᓪᓗᒋᑦ ᑖᒃᑯᐊ ᓄᓇᖃᖅᑳᖅᓯᒪᔪᓂ ᐊᖏᕈᑎᓄᑦ ᑎᒍᒥᐊᖅᑎᐅᔪᓂ ᐊᒻᒪ ᑲᓇᑕᒥ ᒐᕙᒪᒃᑯᓐᓂ.

ᖄᒃᑲᓐᓂᐊᒍᑦ ᐊᐅᓚᑦᑎᔨᐅᓯᓐᓈᑦ, ᐊᓪᓚᕝᕕᓕᕆᓯᓐᓈᑦ ᐊᒻᒪ ᐱᓇᓱᐊᒐᒃᓴᖏᓐᓂ ᐃᑲᔪᖅᓱᓂᕐᒧᑦ ᑲᑐᔾᔨᖃᑎᒌᖑᔪᓄᑦ, ᐃᑲᔪᖅᓯᒪᔪᒍᑦ ᐋᖅᑭᒃᓱᐃᓂᕐᒥ ᐊᒻᒪ ᐊᑐᓕᖅᑎᑦᑎᓂᕐᒥ ᐅᓄᖅᑐᓂ ᐊᔾᔨᐅᙱᑦᑐᓂ ᐱᒋᐊᕈᑎᒃᓴᓂ: ᖃᐅᔨᔭᐅᕚᓪᓕᖅᑎᑦᑎᓂᕐᒥᑦ ᑖᒃᑯᓂᖓ ᖃᐅᔨᒪᔭᐅᖕᒥᔪᑦ ᐅᓪᓗᒥᓯᐅᑏᑦ ᓄᓇᖃᖅᑳᖅᓯᒪᔪᓄᑦ ᐊᖏᕈᑎᓂ ᐃᓕᓐᓂᐊᖅᑎᑦᑎᓂᒃᑯᑦ ᐊᒻᒪ ᓂᐱᖁᑎᒋᔭᐅᓂᒃᑯᑦ, ᐃᓚᒋᔭᐅᔪᑦ ᑲᓲᒪᖃᑎᒋᔭᐅᓕᖅᑐᑎ ᓯᓚᑦᑐᖅᓴᕐᕕᒡᔪᐊᓂ, ᐃᑲᔪᖅᓱᓂᕐᒥ ᐊᑐᐊᒐᕐᓂ ᐋᖅᑭᒃᓱᐃᓂᕐᒧᑦ ᐱᓕᕆᓂᐅᔪᓂ, ᐊᒻᒪ ᐸᕐᓇᐃᓂᕐᒥ ᐊᒻᒪ ᐊᐅᓚᑦᑎᓂᕐᒥ ᐱᕐᔪᐊᖑᔪᓂ ᓇᑕᒥ ᑲᑎᒪᓂᐅᔪᓂ, ᐃᓕᓐᓂᐊᕐᓂᐅᔪᓂ ᐊᒻᒪ ᑲᑎᒪᓂᕐᔪᐊᖑᔪᓂ.

ᓯᓚᑦᑐᖅᓴᕐᕕᒡᔪᐊᓂ ᐃᓚᐅᑎᑦᑎᓂᖅ

ᒫᓐᓇᕈᓘᓚᐅᖅᑐᖅ ᐆᒃᑑᑎᒋᔭᐅᔪᓐᓇᖅᑐᖅ ᐱᓕᕆᐊᕆᓚᐅᖅᑕᑦᑎᓐᓂ 2015-ᒥ “ᐊᖏᕈᑎᓂ ᐊᐅᓚᑦᑎᑦᑎᐊᓂᕐᒥᑦ ᓯᕗᓂᒃᓴᕆᓛᖅᑕᑦᑎᓐᓄ” ᑲᑎᒪᓂᕐᔪᐊᖅ, ᑕᐃᑲᓂ ᐋᑐᐋ ᓯᓚᑦᑐᖅᓯᕐᕕᒡᔪᐊᒥ ᐃᓚᐅᑎᑦᑎᓂᕐᒧᑦ ᓯᓚᑦᑐᖅᓯᕐᕕᒡᔪᐊᒥ ᑖᒃᑯᓄᖓ ᓄᓇᑖᕋᓱᐊᕐᓂᕐᒧᑦ ᐊᖏᕈᑎᓄᑦ ᑲᑐᔾᔨᖃᑎᒌᓂ ᐃᓚᒋᔭᐅᔪᓂ ᐊᒻᒪ ᐃᓚᐅᑎᑦᑎᓇᓱᓐᓂᕐᒧᑦ ᐃᓕᓐᓂᐊᖅᑐᓂ ᐱᓗᐊᖅᑐᒥ ᓄᓇᑖᕋᓱᐊᕐᓂᕐᒧᑦ ᐊᑲᐅᙱᓕᐅᕈᑕᐅᔪᓂ. ᐱᓕᕆᖃᑎᖃᑦᑎᐊᖅᑐᑎ ᑖᒃᑯᓂᖓ ᓄᓇᑖᕋᓱᐊᕐᓂᕐᒧᑦ ᐊᖏᕈᑎᓄᑦ ᑲᑐᔾᔨᖃᑎᒌᓂ, ᐊᐅᓚᑦᑎᓚᐅᖅᑐᒍᑦ ᑭᓱᓕᒫᑦᑎᐊᓂ ᑲᑎᒪᓂᕐᔪᐊᖑᔪᒥ, ᐃᓚᒋᓪᓗᓂᐅᒃ ᐋᖅᑭᐅᒪᓂᖓ, ᐱᓇᓱᐊᒐᒃᓴᖏᓐᓂ ᐊᒻᒪ ᐊᓪᓚᕝᕕᓯᐅᑎᖏᓐᓂ, ᑮᓇᐅᔭᕐᓂ ᐱᕈᐃᓂᕐᒥ, ᓂᐱᓕᐅᕆᓂᕐᒥ ᐊᒻᒪ ᓴᖅᑭᑎᑦᑎᓂᕐᒥ ᑲᑎᒪᓂᐅᔪᓂ, ᐊᒻᒪ ᐋᖅᑭᒃᓱᐃᓂᕐᒥ ᑲᓲᒪᓂᐅᔪᓂ ᑖᒃᑯᓄᖓ ᓄᓇᑖᕋᓱᐊᕐᓂᕐᒧᑦ ᐊᖏᕈᑎᓄᑦ ᑲᑐᔾᔨᖃᑎᒌᓂ ᐃᓚᒋᔭᐅᔪᓂ ᐊᒻᒪ ᐃᓕᓐᓂᐊᖅᑎᓂ ᖃᐅᔨᓴᖅᑐᓕᕆᓈᓂᕐᒧ ᐊᒻᒪ ᐊᑐᐊᒐᕐᓂ ᐱᕙᓪᓕᐊᑎᑦᑎᓂᕐᒧᑦ. ᑲᑎᒪᓂᕐᔪᐊᖅ ᑲᔪᓯᓂᖃᑦᑎᐊᓚᐅᖅᑐᖅ, ᓴᖅᑮᓚᐅᖅᑐᖅ ᐊᓪᓗᕆᐊᕈᑎᓂ ᓯᕗᒧᑦ ᐱᕐᔪᐊᖑᔪᒥ ᖃᐅᔨᓴᖅᑐᓕᕆᓂᕐᒧᑦ ᑐᓐᓂᖅᑯᓯᐊᒥ ᐊᑐᐃᓐᓇᐅᑎᑦᑎᓂᕐᒧᑦ $2.5+ ᒥᓕᔭᓐ ᐅᖓᑖᓄᑦ ᑖᒃᑯᓄᖓ ᖃᐅᔨᒪᔭᐅᖕᒥᔪᑦ ᐅᓪᓗᒥᓯᐅᑏᑦ ᓄᓇᖃᖅᑳᖅᓯᒪᔪᓄᑦ ᐊᖏᕈᑎᑦ ᖃᐅᔨᓴᖅᑕᓕᕆᓂᕐᒧᑦ ᐊᕐᕌᒍᓄᑦ ᑕᓪᓕᒪᐅᓂᐊᖅᑐᓄᑦ.

Management Support

ᐱᔨᑦᑎᕋᕈᑕᐅᔫᑉ ᑭᐅᔾᔪᑎᖓ

ᐱᔭᕆᐊᑐᓂᖓ ᐊᒻᒪ ᐊᑯᓂᐅᑎᒋᓂᖓ ᐅᖓᓯᒃᑐᒨᖓᔪᒥ ᐃᓚᐅᓂᕆᔭᑦᑎᓐᓂ ᑖᒃᑯᓄᖓ ᓄᓇᑖᕋᓱᐊᕐᓂᕐᒧᑦ ᐊᖏᕈᑎᓄᑦ ᑲᑐᔾᔨᖃᑎᒌᓂ ᐊᒻᒪ ᐃᓚᒋᔭᖏᓐᓂ ᑐᕌᖅᐳᖅ ᑖᒃᑯᐊ ᐱᔭᒃᓴᕆᔭᖓᓐᓂ ᐅᑭᐅᖅᑕᖅᑐᒥ ᑕᐅᑐᒐᖓ, ᐊᒻᒪ ᐱᓕᕆᖃᑎᒌᓂᖅᐳᑦ ᐅᕙᒍ ᐱᔨᑦᑎᕋᖅᑕᖏᓐᓂ − ᐱᓕᕆᖃᑎᒌᓐᓂᐅᔪᖅ ᑐᙵᕕᖃᖅᑐᓂ ᑕᒪᑦᑕ ᐃᑉᐱᒍᓱᑦᑎᐊᖅᑐᑕ, ᐃᑲᔪᖃᑦᑕᐅᑎᓪᓗᑕ, ᐊᒻᒪ ᐅᕙᒍᑦ ᐊᖏᖅᓯᒪᓂᕆᓪᓚᕆᒃᑕᖓᓂ ᑲᓇᑕᓕᐅᕐᓂᕐᒥ ᓴᙱᓂᖅᓴᐅᓕᖅᑎᑦᑎᓂᒃᑯᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ.

ᓂᔅᒐ’ᐊ ᑲᑐᔾᔨᖃᑎᒌᖏᑕ ᐊᖓᔪᖅᑳᖓ ᐊᒻᒪ ᓄᓇᑖᕋᓱᐊᕐᓂᕐᒧᑦ ᐊᖏᕈᑎᓄᑦ ᑲᑐᔾᔨᖃᑎᒌᖏᑕ ᐃᒃᓯᕙᐅᑕᐅᖃᑕᐅᔪᖅ ᒥᑦᓱᓪ ᓯᑏᕙᓐᔅ ᐅᐱᓐᓇᒻᒪᕆᓚᐅᖅᑑᒃ ᐃᒫ ᐅᖃᖅᖢᑎ: “ᐊᕐᕌᒍᒐᓴᖕᓄᑦ ᐱᓕᕆᐊᖃᑦᑎᐊᖅᓯᒪᔪᒻᒪᕆᐅᔪᑦ ᐅᕙᑦᑎᓐᓄ,” ᐅᖃᖅᑐᖅ ᓯᑏᕙᓐᔅ. “ᐱᒻᒪᕆᐅᔪᑦ ᐊᒻᒪ ᑕᑎᒋᔭᐅᑦᑎᐊᖅᑐᑦ ᐃᓚᒋᔭᐅᓪᓗᑎ ᐱᓕᕆᖃᑎᒌᒃᑐᖁᑎᑦᑎᓐᓄ.

ᐅᖃᐅᓯᒃᓴᑦ